Ministri blong Agrikalja hemi konfem se polisi blong guidem Kavman long hao hemi save regulatem ol aktivi blong indastrial hemp mo medikol canabis bae redi long nekis manis long Febuari.

Kavman tru long Ministri blong Agrikalja hemi kivim aot finis lisens long 7 kampani blong growem mo impotem indastrial hemp mo medikol canabis long Vanuatu.

Acting Direkta Jenerol blong Ministri blong Agrikalja, Kalna Arthur hemi talem se polisi ia bae hemi alaowem operesen blong indastrial hemp mo medikol canabis blong save ko hed.

“Polisi ia bae hemi lukluk lo the whole value chain blong tufala prodak, stat long production kasem the finished prodak,” hemi talem.

“For exampol sapos yu wantem growem tufala prodak ia, hao nao bae yu growem, yu growem according lo wanem we i stap long polisi blong yumi mekem ol aktiviti we hemi in accordance long law.”

Olgeta polisi ia bae Kavman hemi apruvum mo kantri bae luk ol aksen we bae tekem ples afta long polisi ia.

“Fes kwota ia nomo bae yumi wok wetem State Law blong identify nomo ol gaps we stap afta yumi amendem Act afta yumi also amendem ol regulations we i stap.

“At the moment, polisi hemi stap long final stej blem i stap, yumi sta lukluk nomo long sam visibiliti stadi blong yumi traem luk nomo long wanem ol nara kantri oli stap mekem then yumi karem ol experience ia mo luk hao hemi suitem context blong yumi afta yumi finalisem ko insaed long polisi.”

Mo wetem ol polisi we hemi stap long diskasen naoia, bai hemi guidem ol operesen we Kavman mo olgeta kampani ia oli stap mekem we bai hemi sef mo hemi benefitim kantri.

Wok blong mekem polisi ia hemi bin stat long end blong 2023 mo long yia ia oli hop blong stat implementem.