Polis long Port Vila oli holem fulap trak stat yestete moning from oli no komplae long ol trafik rikwaemen.

Hemi wan operesen weh trafik unit mo ol nara stakholda oli stap karemaot evri yia.

I gat ol difren kaen permit mo licens weh wanwan trak, mo draeva i mas gat blong save operat long ol pablik rod.

Olsem evri yia blong taem olsem ol polis oli setemap ol jek poens long ol difren eria long taon blong jekem ol dokumen blong ol trak.

Akting Comanda Saot,Supt. Allan Bani, hemi talem seh ol rikuwaemen ia oli aplae long evri veikel weh oli stap ususm pablik rod.

Nomata weh hemi no save konfemem namba blong ol vekel weh ol polis oli holem olgeta tete, Supt Bani hemi talem seh oli holem fulap vekel weh insaed igat ol trak blong Gavman mo polis tu.

Supt Bani hemi talem seh operaen ia bae hemi stap kasem end blong yia.