Sunday, May 19, 2024
29.8 C
Port-Vila
Sunday, May 19, 2024
More

    Polis i investiketem ded long wiken

    Polis i stap investiketem ded blong wan man long wiken long eria outsaed long Anchor inn, Port Vila.

    Polis Media i ripotem se polis i arestem saspek we i involve long assault blong man Paama we i lusum laef.

    Saspek blong insiden ia hemi konfemem se hemi drink alcohol mo hem nomo i kilim man ia.

    Polis i jajem hem long Intentional homicide mo penalti blong rong ia hemi laef taem long kalapus.

    Bodi blong man we i ded ia i stap long hand blong polis blong faenem moa long hao nao hemi ded.

    Polis i stap mekem toksave i ko long pablik blong mas tinktink strong oltaem long sefti blong man taem oli stap wokbaot.

    “Inciden we i hapen, hemi wan sad taem tru blong ol piknini blong tugeta saspek mo man we i lukim oli no save stap gud blong selebretem dei blong ol pikinini,” Polis Media i talemaot.

    “Toksave i kam long yumi espeseli ol papa mo mama ,  Plante taem yumi ol papa mo mama i laekem tumas blong wokabaot i ko long ol ples we hemi riski tumas long ol famili. Taem yu olsem wan parents yu wantem tekem alcohol , hemi mo sef blong yu stap club . Aksiden olsem i save hapen enitaem we yu no expektem so bifo yumi stap wokabaot yumi mas tinkbaot famili.”

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen