Polis i arestem wan man long Walarano long Malekula folem fasin blong kiaman long proxy.
Commander Malampa Polis, Jif Inspector Davis Saravanu i konfemem long National Netwok blong VBTC.
“Wan yangfala hemi bin ko kastem vot blong hem vinis afta hemi holem wan proxy blong ko kastem tu be wanem we i stap proxy ia hemi blong wan man we i stap long Vila,” Mr Saravanu i talemaot.
“Wanem we i stap ating olgeta we i priperem proxy oli no bin konsaltem man ia long Vila. Wive blong man ia i stap long plesia hemi arem nius se yangfala ia i vot afta hemi kros.
“Hemi talem se from wanem yufala i no askem pemisen long man blong mi afta yufala i kam mekem proxy blong hem. I mekem se ol Presiding ofisa i holem taet ol proxy ia. Mifala i manej blong tekem yangfala i ko long polis station long Lakatoro blong tekem saet storian blong sapos wan insiden i hapen be i kat ol infomesen i stap.”
Jif Inspector Davis Saravanu i talem se oli rilisim aot saspek mo investikesen i stap ko hed.
Wan reliable Sos long Waralano i talem se ol observer oli faenem aot tu sam pipol oli mekem Proxy afta long due deit.
Source i talem se oli spotem plante isu long Proxy we hemi ko agensem Election loa.
