Lida blo Kavman business, Hon. Jotham Napat i requestem blong Palemen i adjon kasem Mandei mbe Appropriation Act blong 2024 hemi no mitim requirmen blong pas long extra-siting ia.
Spika blong Palemen, Hon Simeon Seule i anaonsem long palemen se Budget Bill ia hemi mitim requiremen we istap long Law blong Pablik Faenans Management.
“Appropriation, hon membas, hemia bae palemen ino save lukluk long hem tis 7 extra-odineri siting from samon hemi sud kamaot wetem 30 dei notis, mbe taem hemi no alowem.” Hon Seule i talem.
Hemi talem se, “ol nara bills bae palemen isave lukluk long hem, mbe Appropriation hemi no posibol, folem law we istap. Bae hemi afta we palemen hemi endem reses blong hem long January namba 15.”
Olgeta narafala Bill olsem Political Parties Registration bill bae palemen istatem debate blong olgeta long Monde 11 Desemba.
Opposition i agri blo Palemen i adjon iko long Mandei folem request blong lida blong kavman business.
Wetem hemia bae bill blong appropriation bae i jes pass long earliest sitting afta long taem we Palemen iko long recess long namba 15 manis ia.
Speaker blo Palemen i grantem blong Palemen i adjournem kasem Mandei mo Tusdei we bae i kat spesal siting. Spesal siting is bae hemi go kasem long Wenisdei.
Namba 15 Desemba hemi deit we Palemen hemi ko long spel.
