Palemen Fes Extra Ordinary Sitting i muv i ko long Friday from i nokat namba.
I kat 27 Memba blong Palemen nomo i presen long Palemen jemba tete moning mo i nidim two third majoriti blong kontinu long bisnis blong hem we hemi 34.
Speaker blong Palemen, Simeon Seule i saspendem Palemen sitting ia blong tri dei blong tokbaot ol mosen we karemaot tu yia saspensen blong Malekula Memba blong Palemen, Gracia Shadrack, eleksen blong ol niu deputi spika mo mosen blong nokat trast akensem Prime Minista.
“Folem atikol 21 long constitution blong Republic blong Vanuatu, moning ia yumi nosave ko hed from i nogat korom mo Palemen bae i jes mit nomo afta long tri dei we hemi Friday long 8;30am,” Mr Seule i talemaot.
VBTC Nius i kasem infomesen se Presiden blong Republic blong Vanuatu, His Excellency Vurobaravu i no mekem eni disisen yet long rikwes blong Prime Minista, Bob Loughman long disolusen blong Palemen.
