Nasonal Palemen blong Vanuatu bae i sidaon long eli Novemba.
Raymond Manuake, Clerk blong Palemen i saenem koling blong fes sitting blong namba 13 Palemen long Frade nekis wik.
Calling blong Palemen ia i hapen anda Palementri Sevises Akt CAP 306 we i givim 21 dei afta long gazet blong ofisol risalt blong eleksen.
Palemen bae i sitaon long Novemba 4 -7, 2022.
“Fes Sitting bambae hemi split long tu miting; Long Novemba 4 bambae i kat ol memba oli mekem ol promes blong olgeta afta long hemia oli saenem role(wok) blong Memba, afta prosid wetem eleksen blong spika blong Palemen,” Mr Manuake i talem.
“Afta yumi lukluk long eleksen blong ol deputi spika blong Palemen afta endem dei wetem eleksen blong Prime Minista.
“Ol wok ia we bae i tekem ples long Friday bambae hemi folem revised standing oda we hemi kam long fos long June 20, 2020.”
Mr Manuake i talem se seken sitting blong Palemen bae i stap long Monday Novemba 7.
“Blong establisim ol standard komiti blong hem mo apointem ol memba,” Mr Manuake i talem.
“Ofis blong clerk blong Palemen hemi mas mekem sua se notis hemi kasem ol niu elek memba 10 dei o moa bifo fes sitting i tekem ples.
Ofis blong clerk blong Palemen i talem se eni elek ripresentetiv we i no atendem fes sitting blong palemen long Novemba 4 blong mekem promes o mekem oath, bambae hemi jas mekem promes long namba 2 sitting we deit blong hem i nogat yet.
