Pacific Information Communication Technology Minista i kol blong wok from wan smart Pacific, One Voice from wan sef mo safe cyber environmen long region.
Ol Hed blong Information Communication Technology(ICT) kavman agensi long eleven Pacific Island kaontri wetem tu observa i mekem kol ia long Pacific ICT Dialogue long Kokopo, East New Britain Province, Papua New Guinea. Long taem ia tu wan proposol i kamaot long host kaontri blong wan moa miting blong Pacific ICT Minista samtaem long yia ia.
Diskasen i stap raon long Digital economic, cyber security mo digital Infrastracture.
Long miting ia, ol pacific minista ia i kam ap wetem tinktink blong sapotem developmen blong Digital economy long Pacific tru long inkris blong technology mo ICT infrastructure, human capacity developmen mo impruvum telecommunication konektiviti blong kavman, citizen mo bisnis we bae i kontribute long seves deliveri.
Ol key point we i kamaot i talem se bae i kat wan International Telecommunication Union ofis long Pacific we bae i givim wan environmen blong ICT developmen, digital innovation, creativity mo enkarejem trust mo secure system we i promotem data privacy, givim fri mo sef flo blong infomesen mo sef long cyber threat so ol citizen i save involve long online aktiviti wetem konfidens.
Ol paticipant ia i kamaot long Papua New Guinea, New Caledonia, Vanuatu, Australia, Federated States blong Micronesia, Solomon Islands, wan observer long Global Forum long Cyber Expertise. Ol nara wan i ripresentem Samoa, Tonga, Kiribati, New Zealand, Cook Islands mo wan observer long Secretariat blong Pacific Community i joinem miting online.