Saturday, July 13, 2024
24.8 C
Port-Vila
Saturday, July 13, 2024
More

    Pacific Early Childhood Development Forum

    2023 Pacific Early Childhood Development (ECD) Forum wetem theme blong bildim wan Resilient Blue Pacific tru long Early Childhood Developmen bambae hemi wan tri dei hae level forum blong 15 Pacific Island Government blong diskasem eli childhood investmen olsem wan tul blong bildim resilence long climate change, natural disasta mo ol nara emergency.

    Bigfala toktok long forum ia hemi blong bidlim wan resilient Blue Pacific tru long Eli Childhood Development.

    National Analyst blong Eli Childhood, Eloi Buletare i talemaot se eli steij care blong wan pikinini taem hemi stap long bel blong mama kasem taem hemi ko long Kindy hemi impoten from wan stadi i soem se taem oli bigwan oli kontribut long 47%  long economic developmen blong Vanuatu.

    “Hao bae yumi sef gaedem ol pikinini blong yumi long taem blong Emergency situasen mo hemia i impoten from climate change, yumi kasem plante ol disasta, so wanem nao bae kavman blong yumi i mekem blong lukaotem ol pikinini ia,” Mr Buletare i talemaot.

    “Yumi kat wan hae delegation blong kavman blong travel i ko long Nadi, Suva long manis ia blong oli stap long wan forum we i tokbaot resilient blong ol pikinini.

    Mr Buletare i talem se evri pipol i mas wok tugeta blong sapotem ol pikinini ia from evriwan i kat pikinini o sam oli plan blong kat famili yet.

    Hemi talem se oli stap wok long polisi ia blong pasem long Council blong ol Minista.

    “National Polisi blong Early Childhood Developmen i kat naen impoten point insaed, ” Mr Buletare i talemaot.

    Purpose blong 2023 Pacific ECD Forum hemi blong ol kavman i diskasem improve investmen mo Multi-sectoral colaboration long Early Childhood Development olsem wan impoten poin blong bildim resilience long COVID-19, climate change mo ol nara disasta.

    Madlen Netvunei, VBTC Radio/Presenter i pat long forum ia.

    Ol kaontri we oli pat long forum ia hemi Palau, Papua New Guinea, Republic of Marshall Islands, Samoa, Solomon Islands, Tonga, Tokelau, Tuvalu mo Vanuatu.

     

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen