Saturday, May 18, 2024
25.8 C
Port-Vila
Saturday, May 18, 2024
More

    Pablik Health Act i efektiv naoia

    Ministry blong Health i kat pawa naoia blong mekem COVID-19 vaccine i wan mas blong tekem anda long Public Health Act we i efektiv stat tete.

    Long Tuesday wik ia, Public health act i kam long efek kasem 31 July 2022.

    Minista blong Health, Honoroble Silas Bule, i talem se pawa blong mekem disisen i stap anda long health naoia mo i nomo National Disaster Management Ofis.

    “Naoia we yumi ko long pablik health emergency, minista blong Health bae i save advaes tru long wanem hemi tekem aot long advisory komiti blong mekem ol regulation oda blong mekem sua se laef blong pipol hemi stap sef,” Minista Bule i talem.

    “Hemi difren long taem we yumi stap anda long act blong National Disaster Management Ofis, minista blong health i nokat pawa blong mekem sam jenis folem ol outbreak blong sik.

    “Sapos i nid blong mekem sam jenis blong protektem laef mo sevem pipol blong Vanuatu bambae i hapen olsem.”

    Direkta blong Curativ mo Hospital Services, Dr Sereana Natuman i talem se compulsary vaccine i save hapen sapos i jens i ko long Public Health Emergency Act.

    Hemi talem toktok ia folem plante rong infomesen abaot stik blong COVID-19 we i stap ko aot yet.

    “Wok blong tekem stik, hemi no wok blong Ministry blong Health nomo mbe i stap long wan wan man,” Dr Natuman i talem aot.

    “Sapos yu save talem long famili blong yu, ko tekem stik o wan wok ples i askem evri wokman blong tekem stik bifo ko long wok mbe oli mas mekem.”

    Malampa Pablik Health Manager, Salome Kenneth i talem se long Ambrym i kat plante kiaman toktok i stap ko raon from vaccine.

    Mrs Kenneth i talem se naoia tim i stap long Not Ambrym blong givim aot Johnson mo Johnson vaccine mo ova 80 pipol i ko blong tekem wan stik ia.

    Hemi talem se pipol i mas luksave wanem we Solomon Islands i stap fesem naoia wetem ova 1000 kes mo 12 ded naoia from plante oli no tekem stik ia.

     

     

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen