Vanuatu i expektem tri-fo tropikol saeklon long saeklon sisen ia long Novemba kasem end blong April 2023.

Long lonjing blong saeklon sisen long wik ia long Port Vila, Ministry blong Meteorology mo Geo-Hazard i ripotem se Pasifik bae hemi expektem tri-six tropikol saeklon, be Vanuatu hem wan bae i expektem tri kasem fo saeklon.

Principal Scientific Ofisa long Meteo Dipatmen, Glenda Pakoa i talem se ministry hemi setemap fokas blong priperem olgeta pipol.

Ms Pakoa i talem se Vanuatu i stap long hae risk from hemi i nokat capabiliti blong save talem stret hamas saeklon i save afektem kaontri.

Hemi talem se Vanuatu i stap karem help long Australia, United States blong America, New Zealand mo Wol Meteorology Oganisation long saed blong prediktim wan saeklon.

Ms Pakoa i talem se oli kivim evri rikwamen blong save kat wan masin blong prediktim saeklon we oli singaotem Reida.

From yumi dipen long setalaet be hemi no rili zoom in blong help pridiktim sekulesen blong ol tropikol saeklon,” Ms Pakoa i talemaot.

Ms Pakoa i talem se naoia oli wet long rispon blong SPREP.

Manager blong Climate Division, Allan Rarai i talem se oli bin rikwestem spesel masin ia longtaem vinis be oli no kasem wan yet.

Mr Rarai i talem se emia from Vanuatu i nidim tu o 3 masin blong skanem saeklon

Hemi talem se Vanuatu hemi no hem wan, be hemi kat insaet long map blong hem, 6 provinsel aelan

Vanuatu bae i kontinu blong fesem olgeta natural disasta folem jenis blong klaemet, be wetem evri infomesen blong VMGD bae hemi help blong provaedem sefti prekosen.

by Ruth Beru.