Ova 200 lokol komuniti bambae oli benefit long wan niu Climate Change projek blong ova VT3 billion we i lonj long wik ya.
Hemi fes mo bigfala lokol projek long Wol we kavman i singaotem se Vanuatu Community-based Climate Resilience Project.
Minista risponsibol long ministri ya, Hon. Ralph Regenvanu nao i lonjem projek ya wetem logo blong hem.
Long ofisol speech blong hem, Minista Regenvanu i askem ol sekretari general blong evri skul long provins, ol eria kaonsel mo ol stek holda blong sapotem niu projek ya wetem ol lokol jif, long wok tugeta mo bildim wan resilien komuniti agensem klaemet jens.
Lonjing blong hem i hapen tru long sapot blong Green Climate Fund (GCF), kavman blong Australia, Save the children mo Vanuatu kavman tru long Climate Change Ministry.
Pepes blong projek hemi inkludum provaedem sapot, risos, impruvum komuniti mo helpem olgeta blong adapt long klaemet jens.
Bambae kavman hemi implementem tu, ol initiative blong mitim ol nid blong olsem wanem, ol komuniti i save adapt follem klaemet jens, long saed blong akrikalja, fishing, food security mo livelihood developmen.
Mo blong bildim lokol governance sistem long lokol, provinsol mo nasonal level.
Lonsing ia i tekem tugeta ol projek patna mo stekholda i kam tugeta long wik ya blong wan faev dei wokshop blong diskasem ol objectiv blong projek ia.
Hemi wan siks yia projek we kavman i implementem long 2022 kasem 2028.
Representative blong Green Climate Fund, Marc Dumas-Johansen i congratulatem Vanuatu long milestone ia blong tekem initiative ia folem klaemet jens.
By Tiffany Baldwin.
