Vila Central Hospital i rikodem 126 pikinini we oli admit long Children’s Ward afta long Saeklon.

Hemi wan wan namba we i kivim plante konsen long olgeta Helt woka.

Doctor blong ol Pikinini long Vila Central Hospital, Dr Tina Orelly i talem se olgeta admission ia hemi blong manis March.

“Hae namba we mifala i admitim ol pikinini from hemi sisitwota o samtaem yumi kolem wota borne disis mo ol nara sik hemi cough, sotwin we mifala i admitim long hospital

“Ol data we mifala putum tugeta hemi soem se plante long ol pikinini ia hemi long age blong 1-4 yia we oli kam wetem sitsit wora hemi 56% long ol kes ia we oli admit long Children’s ward.

Hemi talem se naoia wetem plante aweanes namba blong ol admission i jenis bagegen.

“Peak we mifala i kasem hemi long March 7-14, hemi taem we mifala i karem hae namba mbe naoia i stap ko daon; Mifala i luk se ol awenes i mekem bigfala impruvmen so namba blong ol sik ia i stap ko daon,” Dr Orelly i talem.