Sins Tuesday, Vila Central Hospital Eemergency i rikodem 200 kes blong bigman mo pikinini we oli sik long sisit wora.

Dr Sale Vurobaravu long Health Emergency Senta i talemaot tete.

“I kat plante outbrek i stap hapen long sisit wora espeseli long ol pikinini, so yestete oli estimeit se abaot 200 man mo pikinini i kasem sik ia; Wanem we yumi stap luk long ol fika blong yumi long ol ward mo Emergency, bigfala sik naoia hemi sisit wora, we yumi tritim wetem ol oral rehydation salt wetem ol fluids mo wan apil i ko long pablik se oli mas tekem ol man i kam kwiktaem from emergency hemi wok mo no dilei,” Dr Vurobaravu i talem.

“I kat sam sik tu olsem sotwin we i kam antap smol. So yumi save se saeklon man i wetwet mo plante oli bonem ol doti. Sik ia i mekem ol pikinini mo bigfala man tu.

“Yumi stap luk tu ol sore i kam antap smol from ol pipol i kasem ol smol kil long Saeklon o taem oli stap wok long repair steij. Yumi stap expektem se nekis tu wik ol skin infeksen i save kam antap.

“Sik blong rat(Leptospirosis) incubation period hemi 1-2 wik, so yumi expek sik ia blong kam antap from i kat 50% hae reit blong ded long sik ia, so sapos kat feva pipol i mas kam kwik, sapos yu kam eli pa yumi save tritim mbe leit pa oli nosave tritim.”

Health i advaes blong washem gud hand taem kuk mo boilem wota bifo yusum blong kat klin hygience.