Vanuatu Polis Fos i lonjem Operation Noel long Friday wik ia.

Long lonj ia, Kavman blong Australia i handem ova tu niu polis trak blong givim help long operation long festive sison ia.

Tufala double cabin trak ia, mbai helpem Vanuatu Police Force long ol Patrol we oli stap mekem long ol difren eria long taem blong krismas mo niu yia.

Deputy High Commissioner blong Australia blong hem long Vanuatu i handem ova key blong ol trak ia, taem oli anaonsem operation Noel we i stat.

“Tete mi gat wan bigfala hona blong handem ova tufala trak ia i ko long Vanuatu Polis Force blong mekem sua blong kipim komuniti i sef mo karemaot ol impoten operesen.

Commissioner blong Police, Robson Iavro i talem se Polis mbai oli wok blong kipim ol selebrasen ia i sef kasem en blong hem.

Hemi askem tu ful komitmen blong ol law enfosment ofisa mo blo oli no tekem alcohol o kava taem oli stap long operation long ol dei we i stap kam.

“Bambae hemi no isi bae yumi fesem fulap samting; Mekem sua se taem yu kondaktem yu, kondaktem yu professionali; Mekem sua tritim ol client wetem rispek mo mekem sua se raets blong olgeta i rispek oltaem.”

Operesen ia bae hemi involvem Vanuatu Mobile Force, Vanuatu Maritime mo Vanuatu Polis Force.

By Agnes Herbert.