Monday, July 15, 2024
25.5 C
Port-Vila
Monday, July 15, 2024
More

    Online threat- Seasonal woka otoriti

    Polis mo Cybercrime Unit i konfemem se oli awea long ol video mo post we i gat ol woka ovasi i stap mekem ol threatening toktok agensem ol Agent mo Commissioner blong Labour long fesbuk.

    VBTC Newsroom hemi kasem copi blong tu video we i gat ol strong toktok agensem, Agent blong ETM Consultancy, Sylvie Kalmet, Agent blong Kuwae John Suran mo Commissioner blong Labour, Murielle Meltenoven.

    Wan long ol tufala video ia man we hemi toktok i soem fes blong hem, mbe narawan ino gat fes mbe hemi holem wan pikja frame.

    Nomata we Polis i no risivim ol complaint, mbe long loa blong Cybercrime, level blong ol threatening toktok hemi kasem finis olsem wan crime long internet.

    Polis i talem se bae hemi investigatem ol toktok ia sapos hemi gat wan complaint.

    Section 10 blong Cybercrime bill, Cyber stalking i minim se wan act blong threatenem mo mekem wan man i fraet, harasem, insaltem wan man tru long wan komputa system o electronic device.

    Long kes blong wan man nomo, hemi save faen less long VT1 Million o ko long kalapus no ova long 3 yia.

    Long kes blong wan bodi corporate, wan faen we i no bitim VT3,000,000.

    Agent, John Suran i talem se hemi no lukim ol toktok ia yet mbe hemi plan blong tekem ap wetem Polis.

    “Yumi karem ol laesens blong helpem ol pipol mbe i no blong spoilem ol pipol; Yumi helpem pipol long wanem we oli gat nid from famili,” Mr Suran i talemaot.

    “Yumi toktok no blong spoilem olgeta mbe blong gud blong scheme. Fesbuk hemi tul blong komunikeit, yumi no blong spoilem yumi mbe hemia i kam olsem wan cybercrime vinis ia, taem yu tokbaot wan man long fesbuk, yu threatem hem ten bae loa i dil wetem saed ia nao. Bae hemi trakem daon eni wan we i responsibol long eria ia. Mbe yumi wantem wok blong helpem yumi, i no nid blong tokbaot yumi long fesbuk.”

    Hemi festaem we ol woka oli expresem harem nogud blong olgeta long wan fasin olsem ia.

    Ol lokol we oli no wantem talemaot nem blong olgeta i talem se isiu blong absconding(ronwe long farm from rabis pei) mo condition blong wok hemi wan bigfala samting we evri stakeholda i mas lukluk long hem hariap.

    Long loa blong cybercrime, video olsem mo fasin blong postem nogud wan man long fesbuk hemi brekem loa.

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen