Ol pipol long sentrel pat blong aelan blong Pentecost oli witnisim long las manis fes introdaksen blong sport ia, Ostrelian Futbol Lik (AFL).
Wetem bigfala interes we plante pikinini boy, gel mo ol yangfala oli kam tugeta lo Salanbay komuniti blo ple gem blong Australian futbol.
AFL Pentecost Developmen Ofisa, Jessy Patterson hemi talem se hem eno save controlem ol patisipen long taem we oli displayem spot ia long wei.
Mr Patterson hemi talem se gem ia hemi no save hapen long taim weh i rain, be i no save stopem olgeta partisipen blong ple long rapis weta.
Plan i stap se long next yia 2024, bambae Mr Patterson hemi statem ol competisen blong hem wetem sapot blo AFL Vanuatu ofis lo Port Vila.
Afta we AFL hemi kam stat long aelan ia, i lukim 3 Sarere nao we namba hemi inkris pikwan.
Ol partisipen ia oli slip long ol differen vilij be oli strong blo mekm taim blo olgeta blong kam tugeta evri Sarete morning.
Wetem sapot blo AFL Vanuatu ofis lo Port Vila mifala i sendem evri spot tul, ol wota botel mo ol bags i ko taon long Sentrol Pentecost blong helpem ol partisipen.
Hemi no en blong prokram ia, bae oli ridj aut i ko long olgeta narafala aelan blong Vanuatu.
