Vanuatu i kat ol niu polisi long disposal blong ol Sola Photovoltaic (PV) sistem, tru long Dipatmen blong Enviroment wetem help blong Global Green Growth Institute (GGGI).
Lonsing blong hem i tekem ples long Port Vila long wik ia.
Folem hae expense blong pawa evridei mo nid blong renewable eneji blong adresem klaemet jens.
Mo use blong ol sola sistem blong wota mo eneji i kam bigwan long Vanuatu afta sam yia nao.
Be taem i kam long end blong laef span blong wan sola panel, wea ples blong disposem o sakem long environment, i kam wan isiu.
Tete Vanuatu i gat, long festaem, ol polisi o direksen blong addresem mata ya long kauntri.
Assitant Direkta General blong GGGI, Gerard O’Donoghue hemi talem se guideline ya hemi adresem safe disposal blong ol sola.
“Generally, solar panels have a 24-year life span, at the end of 25 years you’re left with all those solar cables and parts.
“So, the question is what do you do with them? Because if you just dismantle them and throw them to the side it would cause a huge environmental damage.”
Wetem wan 19 pej buklet blong guideline ya, hemi fokas long wan legal framewok blong waste manejmen, involvemen blong ol sekta konsen, ol penalti o fine, legislation mo ol nara impoten eria.
Akting Direkta blong Ministri konsen, Climate Change, Abraham Nasak i talem se Gavman mo komuniti i gat pat blong play wetem guideline ia.
“Hemia hemi wan samting we Kavman tru long Ministri blong Environment hemi nid blong lukluk long hem tu.”
Akting Direkta Nasask hemi talem se oli mas lanem hao nao blong setem ap mo allocatem kolo diferen eria mo blong protektem environment.
Mr. O’Donoghue i talem se hemi wan niu projek we i nidim ol stakeholder blong wok tugeta.
“If we don’t work (collaborate) with them, and if they not on our side, we don’t work together, generally it falls to the cracks and there’s not going to be a successful delivery of the project.”
Global Green Growth Institute (GGGI) i lukluk long ol envaramen konsen blong sustainem ekonomi blong kantri folem wan waste manejmen sistem.
