Monday, July 15, 2024
29.8 C
Port-Vila
Monday, July 15, 2024
More

    Ol lokol blong aot kwarentin-West Ambrym

    West Ambrym bae i letem aot eight boy long kwarentin long Sunday.

    Area Administrator blong West Ambrym, Bong Massing i talem long VBTC Nius se ol boy ia i bin stap blong seven dei be oli oli no soem eni saen blong COVID.

    Mr Massing i talem se temporari lokdaon i aot tete.

    “Yumi talem tank yu long Malampa COVID tasfos we oli bin helpem mifala plante long ol advaes; olgeta i fit nomo i stap,” Mr Massing i talem.

    “Olgeta i no bin kat kondak wetem olgeta crew blong Vanuatu Cargo, ol crew i bin tekem ol cargo i kam daon long sanbij ale ol eight boy ia i jes ko tekem i ko long storage.

    Mr Massing i talem se ol ship i save travel i kam long West Ambrym be wetem ol strik COVID rul.

    Malampa Public Health Manager, Salome Kenneth, i talem se sapos ol lokol ia oli kasem COVID oli sud soem saen.(feva, kof, hed mo throat i soa).

    Mrs Kenneth i talem se sapos i nogat oli oraet.

    Hemi talem se Malampa tim i no bin ko tes from rabis weta be oli glad long wok blong West Ambrym COVID tasfos.

    Vanuatu Cargo i kasem Ambrym long las Satete mo folem rabis weta hemi mas kasem Santo. Taem hemi kasem Santo, tu crew i positiv.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen