Wan team blong ol health specialist long nose, sorae mo throat long Royal College blong Australian Surgeons bae oli kam long Vanuatu long February.
Health i talem se visit ia hemi pat blong ol specialist visit we ol sapot patna mo organization i organisem. Hemi wan wok tugeta blong adresem ol eria long medikol field we i nidim specialist Dokta mo Nurse.
Hemia hemi fes visit blong yia ia mo bae team i station long Vila Central Hospital.
Specialist team ia i kat ENT(Ear, Nose, Throat) Surgeon mo Team Leader, Daron Cope, ENT Surgeon Dr Sor Way Chan, Anaesthetist Dr Thomas Booklil, Nurse Sandy Coutts mo Audiologist Chessie Egan.
Ol sik man we oli mestem ol fes visit oli enkarej blong bukum visit long ENT clinic long Vila Central Hospital. Mo ol provincial health fasiliti sapos oli kat ol kes we i nidim seken option long ol ENT specialist blong kam bifo long February 20.
Ministry blong Health i talem se i kat fulap kes sins COVID mo i wan eria ia we i nidim mo specialist Doctor mo Nurse.
Long 2022, ENT clinic i sevem 8474 patient.
Ol kes ia we ol specialist i sud luk i kasem ova 110.
Tim ia bae i stap long Vanuatu long February 20-24.
