Hemi nomol blong pipol i wari long taem blong Saeklon mbe impoten samting se oli mas stap sef.

Dokta blong Mental Health, Dr Jimmy Obed i talem long VBTC Nius.

“Disasta hemi wan normol samting blong frae; Pa yumi fraet, ol pikinini tu bae oli seksek; mein samting we mifala i wantem enkarejem ol pipol long hem, hemi blong pipol i stap long ol sef ples, famili i sef, yu no ko wokbaot aotsaed, yu mekem sua se i kat enaf kakae mo wota i stap wetem yu hemia nao ol impoten samting blong daonem wari,” Dr Obed i talem.

“Yumi evriwan i ko tru long wari. Afta long Saeklon i ko aot bae yumi help blong putum tinktink blong yu i ko bak. Sapos yu wari long kapa i flae o haos i nogud bae National Disaster Management Ofis i kam ap wetem plan blong help.

“Mbe long taem naoia stap sef mo listen gud long ol instraksen we i kamaot long Meteo Dipatmen.”