Sunday, May 19, 2024
29.8 C
Port-Vila
Sunday, May 19, 2024
More

    No netwok-Tafea

    Majoriti long ol eria blong Twelve Eria Council long Tafea i nogat netwok coverage sins Wednesday.

    Secretary General blong Tafea Provins i konfemem se oli stap kasem infomesen tru long ol Satelite communication we hemi rili reliable.

    “Long saed blong netwok coverage, Not Erromango, Tanna, Aneityum, Aniwa, Futuna; Ol aelan ia oli kat ol VSAT so i mekem so yumi luk ol mesej nomo we oli stap sendem i kam long yumi,” Mr Iautim i talem.

    “Taem Vodafone mo Digicel i daon, VSAT hemi kam reliable from yumi komunikeit direk tru long Satelite we i nogat eni problem wetem. Mo sapos i kat plante klaod nomo pa yumi fesem hard taem blong komunikeit. So naoia mifala i nosave komunikeit wetem olgeta from plante klaod mo ren long Saot mo Shefa mbe once weta i klia pa yumi save kasem signal long olgeta.

    Mr Iautim i talem se oli kasem olgeta long saot tru long VSAT hemia long Thursday.

    “Ol satelite netwok system we yumi kat, i kat long Aneityum, Futuna,  Aniwa, Not mo Saot Erromango mbe naoia tufala i daon, long Tanna yumi kat long mein ofis long Isangel(Long Not mo Saot Tanna). So hemia nao mifala i stap komunikeit long hem, mbe bakegen hemi dipen from long taem blong saeklon ia, oli bin putum daon evriwan so afta system ia i pas bae yumi save konek.

    “Naoia we i stap mifala i stap kasem ol infomesen tru long Satelite communication nomo; Mifala i kasem infomesen long Aneityum, Saot Erromango mo West Tanna,” Mr Iautim i talemaot.

    “Long West Tanna, damej hemi bigwan. Yumi luk ol tri, ol lokol haos oli damej, ol permanent haos olsem ol gudfala wan, kapa i flae aot mo ol rod long Lenakel eria we i luk ol culvert long Isangel ko kasem long Whitegrass airport i kat blokage mo sopmat mo ol tri i kavremap ol rod,

    “Long Saot Errromango, Riva i ron bigwan mo ol haos blong pipol i damej. Long Futuna ol kakae long garen i damej mo Aneityum i kat smol damej. Ol nara eria yumi no kasem gud ol ripot long olgeta yet.

    Hemi wan program blong Dipatmen blong Local Authority wetem ol Eria administrata blong mas instalem ol VSAT ia long 2022.

    Mr Iautim i talem se hemi useful long taem blong Saeklon.

    “Pem vochers mo yusum blong konek wetem ol pipol ovasi o long Vanuatu nomo,” Mr Iautim i talem.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen