Polis bae i holem trak blong ol pipol we oli drink mo draev long Festive Season.
Long Friday ia, Polis operation Noel i talem se hemi holem taet sam trak mo bae oli rilisim long 2023.
Polis i talem se Operation ia mbai emi difren long ol ol operation blong ol pas yia from bae i kat rod blok mo bae oli mekem ol jek.
Wetem ol pas trabol blong man i draev taem i drong, polis mbai mekem ol jek long ol ples we man i save ko dring long hem, olsem ol bij raon long Efate.
Polis i apil i ko long pablik mo remindem pablik bakegen blong No draev taem yu stap anda long influence blong alcohol, No stanap long medel blong rod sipos yu drong mo usum footpath blong wokabaot, ol draeva oli no mas spid long rod mo oltaem drive slo, Part blong trak imas stap long gud kondisen, Trak i mas gat ol stret pepa blong road worthiness, Parens ino mas sendm wan smol pikinini i ko long sto. oltaem mas stap anda long supervision blong wan bigman, ol pablik transport draeva, olsem ol bus mo transport, i mas jenis long stret fasin blong dress ap mo werem kola shirt blong sevesem pablik.
Eni wan we hemi selebrete wetem wine mo i no behave mbai polis i arestem mo rilisim hem afta long January 3 2023.
Polis i kontinu blong rimaendem pablik blong tingting long sefti olsem wan prioriti bifo oli travel long rod o long solwota.
By Agnes Herbert.
