I nogat eni ded we i rileit long Saeklon long Vila Central Hospital long Efate.

Hed blong Surgery long Vila Central Hospital, Dr Richard Leona i konfemem.

“Naoia yumi nogat eni ded we i rileit long Saeklon mbe tete mifala i kasem fes bigfala injury(kil) blong Saeklon we mifala i organisem tru long sapot blong National Disaster Management Ofis blong karem sik boy long Lolowai Hospital(Ambae) folem Saeklon Judy we i bin pas long Penama; Hemi wan yangfala we i ko long garen long taem ia mo wan Palm tri i foldaon antap long hem mo damejem spinal cord blong hem,” Dr Leona i talemaot.

“Yumi kat 30 pipol we oli kasem smol kil nomo long taem blong Saeklon.”