Wan niufala sistem blong pablik transpot sevis bai i kam in place blong adresem sam isiu we i stap arise long mein wof long Port Vila.
Hemia folem ol lukluk taem igat arraeval blong wan turis bot long Port Vila Haba.
Turisim hemi wan long ol mein inkam blong plante lokol bisnis long Port Vila, includum ol pablik transpot.
Espeseli nao, taem turis bot hemi anka long Port Vila haba.
Mbe hemi kam wetem olgeta bigfala jalens blong hem.
Long taem olsem ol otoriti i stap obsevem sam fasin we ol pablik transpot draeva i stap mekem blong kasem ol turis we ino stret.
Chief Executive Ofisa blong Port Vila Lan Transpot otoriti, Reginald Tabi i talem se sam long ol fasin ya ino soem gudfala sevis long eye blong pablik.
Wan bus driver, Willie Napipi we i talem se ol fasin ya i mekem i had long ol memba blong aososiesen blong mekem bisnis.
Presiden blong Lan Transpot Asosiesen long Port Vila, Donald Massing i talem se igat wok i stap blong putum wan fes voucher sistem blong adresem isiu ya.
Bai hemi fes voucher sistem we i kam wetem help blong dipatmen blong turisim olsem wan stekholda blong Port Vila Lan Transpot Asosiesen.
Mr. Massing i talem se i nid blong mekem sam jens wetem dipatmen blong turisim olsem wan stekholda blong asosiesen bifo sistem hemi kam i place.
Wetem plante obsevesen naoia, Mr. Tabi i talem se ol kind fasin olsem ya i mekem presens blong Polis fos i mas stap long evri arival blong olgeta turis boat long mein wharf blong Port Vila.
Mo hemi se hemi no wan gudfala pija blong Vanuatu turisim, long fored blong olgeta turis sapos hemia i gohed.
Hemi soreh blong luk se inogat impruvment long sam long ol pablik transpot draeva, nomata long sam trening we oli bin go tru long hem.
Mr. Tabi i talem se Port Vila olsem capitol mo mein hotspot blong turis long Vanuatu, i should soem gudfala example long olgeta narafala aelan.
