Vila Central Hospital i kat wan niu Oxygen medical plant blong save helpem ol sikman we oli faenem i hard blong pulum wind.
Long Monday, European Union i handem ova wan niu Oxygen plant i ko long Minista blong Health.
Capasiti blong plant ia hemi save produsum ova 500,000 litre blong Medicinal Oxygen long 24 haoa mo long taem ia i save fulumap wan total blong 74- 6800 litre blong ol oxygen cylinder.
Hemia hemi blong ol sik man we oli kat ol respiratory problem we i stap afektem oxygen level mo health blong olgeta.
Ambassador blong European Union long Vanuatu, His Excellency Sujiro Seam i talem se hemia hemi rispons long saed blong COVID pandemic long Pacific we European Union i stap adresem.
“Oxygen plant ia hemi fand tru long European Union tru long projek we mifala i putum in ples blong rispon long COVID-19 blong provaedem stik meresin tru long Covax fasiliti mbe samtaem mifala i save long ol capasiti blong ol health system long Pacific. Olsem pat blong hemia European Union i provaedem 22 million Euros we hemi VT3.9 million i ko long Wol Health Organisation wetem Pacific komuniti blong helpem olgeta,”Mr Seam i talem.
Minista blong Health, Marco Mahe i talem tankiu long help we bae i helpem bigwan seves long bigfala hospital.
Mr Mahe i talem se European Union i expandem program blong hem blong helpem ol kaontri we COVID-19 i helpem olgeta.
“Hemi wan blessing we i kam blong help long COVID mo ol nara sik we yumi stap fesem tu,”Mr Mahe i talem.
Vanuatu hemi stap witnisim hae namba blong ol sikman wetem sik blong shotwin, cough inkludum ol olfala mo ol pikinini.
