Vanuatu Leba depatmen emi openem wan niu offis blong Intenasenol Leba Okanisetion (ILO) lo Novemba 21 blong helpem ol man finem ol gudfala wok lo kantri.
Emi fes taem weh Vanuatu emi kat wan ILO weh pa help bigwan lo saed blong ol man ples e finem wan gudfala wok blo sapotem famile blong olgeta.
Lo taem blong seremoni, Minista blong Intenol Affes H.E Rick Tchamako Mahe emi talem seh pa ILO e givim gudfala sapot long Kavman blong Vanuatu lo prokram blong Pasifik Klamet Jenj Migrasen mo Humen Sekuriti (PCCMHS) blong stopem ol muvmuv blong ol pipol mo buildem strong Klamet Jenj.
“Vanuatu emi welkam niu offis blo ILO mo showem komitmen blong Kavman blong promotem raet blo wok blong ol pipol mo givim ol gudfala wok.
“ILO pa wok plante long saed blo sosel jastis mo intenasenol leba raets, mo pa wok wetem ol nara patners blong impruvum ol wok kondisen lo kantri.”
Komisena blong Leba Depatmen, Murielle Metsan Meltenoven e talem se Kavmen e kivim wan spes blong hostem blong Pasifik Klamet Jenj Migrasen mo Humen Sekuriti – sekon phase staf blong ILO.
“Depatmen blong Leba emi wantem seh pa offis spes emi saveh mekem wok blo ILO e mo isi blong sevem ol pipol mo Kavman.”
Komisena Meltenoven emi talem tankiu long ILO blong sapotem bigwan long Developmen Cooperasen Progects wetem PCCMHS prokram mo ol strong patna blong hem weh emi Intenasenol Okanisetion blong Mikrasen (IOM), UN Ekonomic mo Sosel Komisen blong Asia mo Pasifik (ESCAP), Offis blog United Nasen High Komisena blong Humen Raets (OHCHR), Pasifik Aelans Forum Sekretarat (PIFS), Platfom long Disasta Displesmen (PDD) mo funding sapot e kam tru long New Zealand Aid Prokram.
