Wan Surgeon long Vanuatu i talem se jalens blong Medical Service long kaontri hemi taem i nogat wan Computed Tomography(CT) Scan blong ol medical practitioner i mekem wok blong olgeta blong faenem ol sik.
Dr Richard Leona i talem se blong tritim gud wan patient we i ko long hospital, ol nurse i mas save festaem wanem sik hemi gat mbe masin blong faenem sik nao hemi problem we Vanuatu hemi fesem.
Hemi talem se wan long ol mein equipment hemi wanem oli singaotem wan CT Scan.
“CT scan hemi wan bigfala masin; Hemi famili blong X-ray masin mo CT scan hemi wan masin we hemi lukluk insaed long bodi blong faenem aot sik we xray i nosave luk,” Dr Leona i talemaot.
“Sik i gro bigwan long Vanuatu mo yumi nidim CT scan blong faenem aot ol sik ia.”
Long taem we hemi anaonsem prioriti plan blong Kavman, Praem Minista Ishmael Kalsakau hemi talem se hemi plan blong tekem CT Scan mo Dialysis ekipmen blong helpem medical seves blong kaontri.
