Vanuatu bae hem i ekspektem patli klaodi mo gudfala weta long tedei wetem Janis blong smol ren i save foldaon long Torba Province.
Vanuatu Meteorology mo Geo-Hazards Department i talem se laet win bae i bloa long daereksen blong saot mo saotis ova long grup.
Top tempereja long dei blong tede bae hem i stap long 23 dikri daon long Saot mo 29 dikri antap long Not. Tempereja long tunaet bae hem i stap long 16 dikri daon long Saot mo 24 dikri antap long Not.
Long solwora, win bae i bloa long saot mo saotis wetem spid blong 11 kasem 15 knot wetem solwora we bae i ko antap kasem 1.0 mo 1.5 mita ova long olgeta open kostol wota long kaontri.
