Klaodi kondisen wetem janis blong smol ren ova long not mo ol pat blong sentrol aelan, patli klaodi wetem brif sawa i posibol long ol nara pat blong kaontri.
Vanuatu Meteorology mo Geo-Hazards Dipatmen i talem se laet mo moderet is mo saotis win bae i bloa ova long grup.
Dipatmen ia i talem se top tempereja long tudei bae hem i stap long 28 dikri daon long saot mo 30 dikri antap long not.
Tempereja long tunaet bae hem i stap long 18 dikri daon long saot mo 24 dikri antap long not.
Long solwora, is mo saotis win blong 11 kasem 15 knot wetem laet solwora blong wan haet blong 1.0 kasem 1.5 mita ova long everi kostol wota long kantri.
