Vanuatu bae i gat wan gudfala sani weta long tedei mo wan kol naet long tunaet.
Vanuatu Meteorology mo Geo-Hazards Deparment i talem se laet win bae i bloa ova long grup.
Dipatment ia i talem se tempereja long tunaet bae hem i stap long 15 dikri daon long Saot mo 24 dikri antap long Not. Mo top tempereja long tumoro bae hem i stap long 25 dikri daon long Saot mo 29 dikri antap long Not.
Long solwora, saotis win wetem spid blong 16 kasem 20 knot bae i bloa mo solwora bae hem raf kasem 2.0 mita ova long ol Noten wota. Long ol narafala kostol eria long kaontri, win bae i bloa long saotis wetem spid blong 11 kasem 15 knot mo solwora bae i ko antap kasem 1.0 mo 1.5 mita.
