Smol ren bambae hem i foldaon wetem janis blong tanda i save faerab ova long Not mo pat blong ol Sentrol aelan mbe long ol narafala pat blong kaontri bae oli gat klaodi kondisen wetem posibol brif sawa we oli save ekspektem.
Vanuatu Meteorology mo Geo-Harzards Department i talem se laet mo fres win bae i bloa long is mo notis dareksen ova long grup.
Top tempereja long dei blong tede bae hem i stap long 25 dikri daon long Saot mo 29 dikri antap long Not. Tempereja blong tunaet bae hem i stap long 19 dikri daon long Saot mo 25 dikri antap long Not.
Long solwora, win bae i bloa long is mo notis daereksen wetem spid blong 16 kasem 20 knot. Solwora bae i raf wetem wan haet blong 2.0 mita ova long ol kostol wota long kaontri.
