Sam aelan long Not bae oli kat klaodi kondisen long tete wetem janis blong laet ren i save foldaon.
Vanuatu Meteorology mo Geo-Harzards Dipatmen i talem se mbe long ol narafala pat blong kaontri, oli sud kasem wan patli kalodi wetem faen weta long tete.
Dipatmen ia i talem se top tempereja long dei blong tete hem i stap long 24 dikri daon long Saot mo 23 dikri antap long Not. Tempereja long tunaet bae hem i stap long 17 dikri daon long Saot i ko kasem 23 dikri antap long Not.
Long solwora long Not mo Sentrol Vanuatu, win bae i bloa long saotis long wan spid blong 21 kasem 25 knot wetem solwora we i raf kasem 2.5 mita. Long solwora long ol narafala pat blong kaontri, win bae i bloa long saotis wetem spid blong 16 kasem 20 knot, solwora bae i raf wetem wan haet blong 1.5 kasem 2.0 mita.
