Klaodi wetem laet ren mo sawa ova long Saoten mo ol pat blong Sentrol aelan.
Vanuatu Meteorology mo Geo-Hazards Department i talem se long ol narafala pat blong kaontri, patli klaodi wetem laet sawa i posibol.
Department ia i talem se laet mo fres win bae i bloa ova long grup long daereksen blong is mo saotis.
Top tempereja long dei blong tede hem i stap long 26 dikri daon long Saot mo 30 dikri antap long Not.
Tempereja long tunaet bae hem i stap long 19 dikri daon long Saot mo 24 dikri antap long Not.
Long solwora, is mo saotis win bae i bloa long wan spid blong 25 kasem 30 knot wetem solwora we bae i raf kasem 3.0 mita ova long everi kostol wota long kaontri. Ples bae i no klia tumas long sawa blong ren.
