Saturday, July 13, 2024
24.8 C
Port-Vila
Saturday, July 13, 2024
More

    Nasonal kaonsel blong woman oli donate i ko long jerol’s mobile medikol seves klinik

    Las manis, Vanuatu Nasonal Kaonsel blong Woman oli donatem wan masin blong nebulisa i ko long Jerol’s Mobile Medikol Seves klinik we i stap operet long taon.

    Ol memba blong woman’s kaonsel oli bin donatem tu sam storej kontena blong putum gud olgeta meresin we i stap insaed long klinik.

    Executif Direkta blong Nasonal Woman Kaonsel, Leismanu Cullwick hemi talem se hemi gud blong save redi blong fesem ol problem we bae save kam ap long futja.

    “Hemi miting we hemi stap long agenda mo hemi wan anonymous disisen we Executif komiti hemi apruvum from laef blong pipol hemi veri impoten.”

    Nebulisa hemi wan masin blong ol sikman we oli kat sik blong lung o sotwin mo bae oli britim meresin tru long masin ia blong helpem olgeta.

    Bisnis owna blong Jerol’s Mobile Medikol Seves, Jerol Mana Sakita hemi talem se hemi bin mekem rekwes blong ol donasen from bae save helpem bigwan ol pipol.

    Hemi talem se hemi glad tu long masin blong nebulisa from bae save helpem eniwan we i kam we hemi kat sik blong sot win.

    “Mi kam set ap long ples ia from hemi wan sentrol ples blong ol pipol we oli stap long Efate,” hemi talem.

    “Evri dei oli stap kam insaed long Port Vila Market haus ia, and evri pipol we hemi kam i gat ol difdifren helt nid, and yumi nid blong mek sua se olgeta bae saveh gat akses long ol propa seves.”

    Jerol’s Mobile Medikol Seves hemi wan smol klinik long marketples long toan mo bae oli wok wetem niufala masin ia blong sevesem olgeta sikman long eria ia.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen