Sixteen Woman Polis rikruit we oli graduate long wik ia oli brekem rikod blong gender equaliti target blong Vanuatu Polis Force.

Minimum target we i stap hemi 30%, mo namba ia i inkris taem moa woman rikruit oli sakses long training.

High Commissioner blong Australia, Her Excellency, Heidi Bootle, i talem se hemi impoten blong kat ol female ofisa oli serve long ol komuniti.

“Hemi impoten blong yumi save wen ol woman i patisipeit long loa enfosmen long evri level,” Ms Bootle i talemaot.

“Hemi alaoem Polis Fos blong rispon long ol komuniti we hemi sevem. Mo hemi pruv blong inkrisim trust long komuniti mo katem daon korapsen.”

Prime Minista, Ishmael Kalsakau i congratulatem mo i enkarejem ol niu ofisa blong wok from excellence.

“Tete taem yu tekem oath o promes blong yu, yu stap tanem wan nara japta long laef blong yu,” Prime Minista Kalsakau i talemaot.

“Yu lukluk i ko antap long grand stand hemi ol las yai blong laef blong yu olsem wan nomol citizen. Olgeta we oli stap ia oli lukluk yu long tete i ko long tumoro bae oli witnesem law mo oda we i foldaon long shoulda blong yu. Mo bae yu pefomem wetem excellence.

Fo long ol 16 woman ofisa ia, oli awodem olgeta from outstanding performance blong olgeta long training.

Probation Constable Lucianna Wells hemi risivim wan scholarship long Diploma of Policing long University blong South Pacific.

Honorable Praem Minista nao hemi sekan mo handem ova award ia long hem.

Ol 16 woman ofisa we oli graduet tudei, bambai oli postem olgeta i ko long ol difren aelan long Vanuatu blong wok.

By Agnes Herbert.