Vanuatu bae i expektem moa ren long ol manis we i kam folem wet sisen we bae i hapen blong nambatri taem long yia ia.
Climate Division Ofisa, Allan Rarai i talem long VBTC Nius long tete.
Mr Rarai i talem se long septemba 13 2022, ol aelan blong vanuatu i stat finis blong luk plante rain. Hemia i minim nomo se
rain we bae i foltaon bae i no semak olsem ol nomol rain fol from bae i moa.
Hemi talem se Vanuatu bae i fesem bakeken namba tri time long yia ia, La nina we bae i save hapen.
“Rainy sisen we vanuatu i stap ko tru long hem, hemi long manis blong October, November mo December, be La Nina we yumi i stap
fesem nao ia, hemi hapen aotsaed long nomol sisen,” Mr Rarai i talem.
“”Ol bigfala rain olsem we i stap hapen long ol aelan blong yumi long Vanuatu fulap taem, i mekem ol pipol oli save gud olgeta impact we rain i save kosem olsem flad, lanslaet mo
sam narafalal impak.
“” Taem i kat wan la nina, i save mekem namba blong saeklon i inkris, mo long past experiens fulap saeklon i fom.
“Ol kaen event blong La Nina olsem i bin stap hapen finis bifo i kam. Hem i talem se event blong la nina ia i bin hapen long 2020 kasem 2021, 2021 kasem 2022 mo 2022
bae i stap kasem 2023.”
Mr Rarai i talem se ol infomesen olsem hemi impoten blong ol pipol blong Vanuatu oli mas save.
by Ezra Toara, Trainee Journalist.
