Vanuatu i expektem ren blong ren long tete kasem long wiken.

Duty Weta Forecaster long Meteo Dipatmen, Tom Natik i talem long VBTC Nius se truf(eria blong plante klaod) mo low presa long Coral Sea, Australia i mekem ol ren ia.

“I minim se yumi kat klaodi kondisen wetem smol hevi ren long Not, Central mo Saot aelan. Bae hemi ren nomo tete mo kasem long tumoro. Thursday i ko bae yumi stap expektem wan low presa hemi stap long coral sea, longwe lelbet long yumi so likeli se bae hemi save kam wan Tropikol Saeklon. Mbe hemi longwe bae yumi no wari tumas long hem.

“Bae yumi kasem fulap ren long tete i ko kasem long wiken.”

Meteo Services blong New Caledonia hemi givim aot finis se i posibol blong bae wan strong saeklon i form long Coral Sea stat long Wednesday.

System we naoia hemi stap olsem wan depresen hemi givim plante ren tu ova long New Caldonia.

Meteo services long New Caledonia i talem se oli expectem system ia blong hemi muv long southwest long New Caledonia bitwin Friday mo Saturday.

Mr Natik i talem se i nogat eni threat blong saeklon ia i kasem eria blong Vanuatu.