Sunday, May 19, 2024
28.8 C
Port-Vila
Sunday, May 19, 2024
More

    Moa dilei long flaet-Air Vanuatu

    Boeing 737 i kat mechanikol problem yet mo no klia long wanem taem bae hemi save flae bageken.

    Nomata long sakses jata flaet blong tekem ol spea pat long Brisbane long Satete aftanun, Air Vanuatu i no fixim fulwan mechnikol situasen mo ol flaet i stil saspen long tete moning ia, Sunday.

    Chief Executive Ofisa blong Air Vanuatu, Atu Finau i toktok wetem Prime Minista, Ismael Kalsakau tete moning mo brifim ol stakeholda blong airline long situasen ia.

    Nomata long sakses jata flaet blong tekem ol spea pat long Brisbane long Satete aftanun, Air Vanuatu i no fixim fulwan mechnikol situasen mo ol flaet i stil saspen long tete moning ia, Sunday.

    “Mifala i andastanem hao critikol situasen blong ol guest mo senior tim blong mifala i stap wok blong faenem ol wei raon long klok; Mifala i kasem ol patna airline blong mifala, mbe long taem naoia, evri airline i stap opereit long capasiti mo i nogat wan i save putum wan extra flaet blong mifala,” Chief Executive Ofisa blong Air Vanuatu, Atu Finau i talemaot.

    Air Vanuatu Tim i stap depen naoia long patnasip wetem Qantas blong kwitaem tekem ol extra pat blong plen long Australia. Wan nara jet i standby long Brisbane blong flae i kam long Vanuatu tete.

    Oli talem se sefti hemi paramont mo from i kat wan international boeing 737 nomo, oli mas tekem taem blong vinisim ol engineering wok bifo flaet i kobak nomol.

    Air Vanuatu i talem se sapos ol pat ia i kasem Vanuatu tetem, ol flaet i save kobak nomol long Monday.

    Airline i talem se ol provaedem ol ples blong slip mo kakae long ol guest we oli stak ovasi naoia.

    Oli talem tu se kastoma seves staff i stap kolem ol klient long ol namba we oli rijistarem long buking long tete moning blong letem olgeta i save long ol jenis ia.

    Ol kastoma blong Airline oli stap komplen yet long komunikesen blong Airline. Oli stil talem se airline i sud infomem olgeta in advans blong oli no ko stap wet kranke lo airport. Plante oli kros tete moning bakeken from flaet i kansel.

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen