Saturday, May 18, 2024
25.8 C
Port-Vila
Saturday, May 18, 2024
More

    Minista i karemaot suspensen blong Port Vila City Kaonsel

    Acting Minista blong Internal Affairs, Hon Tomker Netvunei, i karemaot suspensen blong Port Vila City Kaonsel (PVCC) tedei, namba 27 Oktoba.

    Hemia afta we las kavman tru long Ministry blong Internal Affairs mo foma minista responsible, Anthony Iarish Harry i bin isuim suspensen long 25 Septemba year ia blong kaonsel, folem sam aligesen blong misuse blong ol mani insaed long kaonsel.

    Long taem ia tu Lord Mayor mo kaonsel blong hem oli bin seekim legal advis tuwods suspensen ia mo kes blong hem i bin stap long kot.

    Long wik ia desisin blong kot i kamaot mo kot i declarem se suspensen blong PVCC hemi illegal mo Minista resposible bae i mas revokem or karemout kaonsel long suspensen we stap naoia.

    Director General blong Ministry blong Internal Affairs, Leith Veremaito, i talem se oda blong suspensen we foma minista Anthony Harry i bin mekem hemi folem wan inspeksen ripot we minista befo long hem Hon. Christopher Emelee i appointem blong lukluk long breach inside long Port Cila City Kaonsel

    Long ofisol revokesen blong Port Vila City kaonsel tedei, Hon Netvunei i putum sam niufala direktif tu blong kaonsel tu long ofisal stamp blong kaonsel i mas mekem bifo tasdei namba 30 Novemba 2023.

    Ol specific direktif we kaonsel i karem hemi blong kaonsel i mas:

    • rifiuem ol current standing oda blong PVCC,
    • rifiuem ol staff regulesen blong kaonsel we i includim ol prosija blong appoinmen blong ol staff folem Municipaliti akt,
    • rifiuem finansal regulesen blong kaonsel,
    • rifiuem draft procuremen polisi blong kaonsel mo las wan hemi blong oli finalisem 2024 budget blong Port Vila City Kaonsel

    Hon Netvunei i talem se ol specifc direktif ia we hemi putum hemi blong inline wetem inspeksen ripot mo once we bae i komplit bae i sud mekem stabiliti mo beta administresen blong Port Vila City Kaonsel.

    Hon Netvunei i stetem se Port Vila hemi kapital city blong Vanuatu so bae i mas mekem sua se inokat any mismanejmen, maladministresen mo politikol intaferens long administresen blong hem.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen