Minista blong Intenol Affea, Hon Andrew Napuat, hemi bin toktok long VBTC long las wik Fridei blong tokbaot niufala Urban Polisi we kaonsel blong Minista hemi apruvum.
Hemia hemi wan polisi we hemi ko blong helpem ol developmen blong ol Urban Area long wan wei we bae save sapotem ol nasenol kols blong kaontri, olsem stabiliti, sustainabiliti mo prosperiti.
Mo tu hemi stap blong sapotem ol niufala taonsip we gavman hemi stap tingting blong bildim.
I gat 10 ki elemen we polisi ya hemi gat blong save wok gud, be ol mein ples we hemi gat hemi, Housing, Infrastructure, Heritage Conservation, Climate Change mo Disasta risk reduction, mo Natural resos manejmen.
Hon Andrew Napuat hemi bin talem se polisi bae save help bigwan long tax revenu blong kaontri.
Polisi ya hemi stap blong lukim ol samting olsem wok blong providem ol affodabol mo sef aosing, mo blong expandem mo upgredem olgeta infrastrakja we hemi stap blong save sapotem ol groing namba blong ol Urban populesen.
Hemi gat wok tu blong mekem blong save holem taet gud kaljarol identiti tru long consevasen blong ol heritej saet long kaontri, mo blong redusum impak blong ol naturol disasta mo adap agensem climet jenj.
Mbe wan long ol mein tingting hemi blong help manejem ol naturol resos long kaontri.
Hemi talem se hemia hemi wan impoten samting from hemi showem gud indepens blong kaontri.
Wok i stap kohed naoia mo tingting blong developmen blong ol niufala township.
