Tuesday, April 16, 2024
24.8 C
Port-Vila
Tuesday, April 16, 2024
More

    Mental health long skul curriculum-Dr Obed

    I kat nid blong inkludum Mental Health olsem wan sabjek long ol skul.

    Hemi toktok we Mental Health Doctor, Jimmy Obed i talem folem hae namba blong ol studen we oli wantem karem aot own laef blong olgeta(suicide).

    Wan survey we i hapen i no longtaem long ol studen we oli kat 13 kasem 17 yia, i showem se 14% blong olgeta i stap tingting blong komitim suicide, mo 22% oli bin traem blong mekem fasin ia.

    Dr Jimmy Obed we i lukaotem Mind Care clinic long Vila Central Hospital i talem se hemi i wan serious situation.

    Hemi talem se best solusen hemi blong introdusum Mental helt olsem pat blong curriculum long skul.

    “Long semtaem oli inkludum long ol curriculum blong tijim ol pikinini long hao oli faenem ol emotion olsem ia mo hao nao yumi save manejem stress(wari);  Hemia blong pikinini i stap skul i kam mbe hemi save ol samting ia vinis,” Dr Obed i talem.

    “Long wan eria long pat blong brain hemi dil wetem hao yumi mekem disisen so hemi impoten blong pikinini i laenem eli.”

    Dr Obed i pointem aot long VBTC Tokbak Show program se ol pikinini mo ol yangfala oli fesem suicide plante from tingting blong olgeta i stap develop yet.

    “Tete bae yu luk wan yangfala i mekem samting olbaot; Hemi strong hed from hemi no sitaon blong tinktink se sapos mi mekem hemia bae consequences blong hem i olsem wanem? So tinktink blong suicide i stap.”

    Long nara komen we Dr Obed hemi talem tu se i gud blong ol tija tu oli mas kasem training blong hao oli save dil wetem suicide long ol skul.

    “From sapos laef hemi ko difikal, olgeta(tija) i nogat skil long Teaching College ia blong save hao blong kivim sam simpol sapot i ko long ol pikinini mo hao blong ol refer sapos situasen i ko worst,” Dr Obed i talem.

    Hemi konfemem se i kat ol studen we oli komitim suicide finis mo lusum laef mo hemi kwik isu blong dil wetem long ol skul.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen