Thursday, June 13, 2024
24.8 C
Port-Vila
Thursday, June 13, 2024
More

    Melanesian Arts Festival-July

    Vanuatu bae i hostem Melanesian Arts Festival long July wetem ova 1000 patisipeit.

    Director blong Cultural Center, Richard Shing i talem se hemi wan bigfala event we bae i tekem ples afta long COVID wetem theme ‘Rebuilding my Melanesian for a Common destiny.’

    Mr Shing i talem se festival ia bae i ko wetem Independens Selebresen mo Fes Napuan so hemi no tekem in ol patisipeit nomo mbe plante visitor mo turis.

    “Event ia bae i ko insaed wetem Independens selebresen long kaontri we hemi 43rd yia blong Independens so turis we oli stap ovasi bae oli wantem kam tekem pat wetem yumi long festival ia so plante aktiviti bae i tekem ples.Ol patisipeit kaontri hemi wetem araon 150 pipol we bae oli pat long festival ia; Six kaontri bae oli atendem festival ia. Mo bambae oli provins oli kam wetem 100 patisipeit so yumi stap lukluk se 1300 pipol. So long Vanuatu bae hemi wan bigfala namba blong pipol we bae oli kam insaed wetem outsaed long kaontri,” Mr Shing i talem.

    “Semak taem hemi foldaon long tu bigfala selebresen blong yumi we hemi Independens selebresen mo Fes Napuan. Afta COVID long Pacific, i nogat wan bigfala event we i hapen olsem ia. Las yia yumi save se yumi jes stap muv aot long ol problem blong COVID we yumi bin fesem. Sins las yia i kam kasem naoia i nogat wan bigfala event so nekis event we bae i tekem ples long Solomon Islands hemi South Pacific Kem. Mo folem bae i kat Pacific Arts Festival long Hawaii.

    “Theme ia hemi blong lukluk i kobak long ol kastom save mo ol gudfala pratis mo fasin blong laef we ol pupu blong yumi oli laef long hem blong givhan long yumi long social wellbeing economi mo environmentali we climate change so i save givhan long yumi.

    “Plante benefits blong tekem aot long festival ia.man made disaster olsem covid wei tokbaot ol isu. Bae i kat ol kastom danis mo ol conferens.

    “Wan long ol bigfala haelights aot long evri cultural festival long Pacific bae yumi livestream ful event so olgeta we oli nosave kam we oli stap long ol aelan mo olgeta we oli stap long Pacific bae oli save waj.

    “Long las yia mifala i bin setem ap National organising komiti we Minista blong Justice mo Community Service long taem ia hemi bin apointem olgeta; Hemi ol Directors mo Director General blong difren ministry we oli stakeholder insaed long event ia we bae yumi wok wetem olgeta blong ranem event. Anda long hemia i kat ol smol sab-komiti we bae i lukluk long ol difren program wetem logistics. Mifala  stat las yia blong taem mit tugeta.”

    Event bae i stap long July 19 i ko kasem long 31.

    Mr Shing i talem se hemi wan taem blong soem long Wol se nomata we disasta i kam mbe Vanuatu i strong blong developem nation ia.

    “Wan bigfala isu we yumi stap fesem tete hemi climate change, mo hao nao kastom mo kalja oli save kivhan blong daonem ol rabis efek . ol traditional agricultural pratis blong yumi, hemi wan evolution blong thousand yia we ol man i laef long graon. We hemi environmental friendly, bae hemi no leko eni carbon footprint bae hemi no olsem carbon footprint bae hemi no olsem mono agriculture we yumi tekem in kam ovasi we i tekem plante mani i kam mbe hemi hemi damejem environmen.

    “Mo tu i kat plante kastom save we i save givim ol kastom save bifo mo afta long wan disasta. Fasin blong kipim kakae long taem blong disasta, fasin blong fermen mo dry kaka emo kkae long taem disasta,

    “Mo tu kastom kovernans blong ol jif i wok tugeta wetem komuniti blong faetem Climate Change. ”

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen