Term blong Presiden blong Malvatumauri Council blong olgeta Jif, Jif Wemal Tuwo Vanu, Willy Grey Plasua i en long Octoba 2023.
Jif Plasua i bin elek long ofis ia long 2019 mo Octoba ia bae hemi faev yia we hemi serve olsem Presiden blong Malvatumauri Council blong olgeta Jif.
Jif Plasua i talem se bigfala eim blong hem hemi blong educatem ol jif raon long Vanuatu blong oli save gud wok blong olgeta long komuniti.
Mbe hemi talem se long pas tri yia hemi wan jalenj from COVID pandemic.
“Long 2019, yumi ko raon long sam aelan blong educatem ol jif long ol wok blong olgeta mbe 2020, 2021, 2022 taem sik ia COVID i kam i stopem muvmen i mekem se i stopem ol traveling ia,”
“Long eli yia ia, mi talemaot toktok blong mi long ol staff se yumi stap long wan ship we i hevi we i nid blong mekem moa wok. Mbe afta faea i bin bonem daon nakamal ia long farea. Mbe nomata long jalenj yumi singaot long pipol blong kam givim sapot blong yu long pawa haos from hemi ples blong rispek, unity mo laef blong yumi i stap insaed.”
Jif Wemal Tuwo Vanu, Willy Grey Plasua i talem se tabu haos ia i bon mbe spirit, value mo pawa blong kastom i laef i stap wetem man.
