Malvatumauri Council blong ol Jif i kol from wan klia ansa long fes COVID-19 Outbrek long Port Vila.

Presiden blong Malvatumauri Council blong ol Jif, Jif Temar Ne Vewe, Willy Grey Plasua, i kol long Kavman blong kamaot long pablik mo expleinem hao i kat COVID-19 long komuniti blong Efate.

Jif Plasua i talem se COVID-19 i distebem selebresen Jif’s dei selebresen .

“Mi apil long kavman tru long Prime Minista blong explenem hao COVID-19 hemi save spred aot long kominiti sapos yumi kat ol ristrict securiti mesa i stap long kwarentin,” Jif Plasua i askem.

“Long behaf blong ol Jif, mi wantem expresem harem nogud blong mi, long wei we kavman i nosave handelem ol kes, mo meintenem gudfala security mesa long boda mo tete hemi putum risk long laef blong plante citizen long Efate mo long Vanuatu.”

Jif Plasua i kol long ol citizen blong stap sef.

“Mi joinem Kavman blong apil long ol jif mo evri pikinini long ol nasara blong stap sef long haos blong yumi wan,” Jif Plasua i talem.

“Olgeta long ol nara aelan blong mas tekem COVID-19 stik kwiktaem.  Kavman i mas tingbot safeti blong ol pikinini mo mekem i availabol ol vaccine.

Long olgeta toktok blong hem tu hemi kol long kavman blong closem boda kasem 2030.

Communications Ofisa blong Ministry blong health hemi talem se eni ofisiol infomesen abaot COVID kes bae i kamaot nomo long Minista blong health.

Hemi sherem toktok folem olgeta toktok we i stap ko raon long social media abaot investigation blong helt long ol COVID kes.

I kat olgeta unoficial ripot we i talem se helt hemi stap muvum moa pipol i ko long kwarentin.

Eye witness hemi talem se Polis mo health oli stap long namba 2 Wallis long Paray mo Public Works Dipatmen mo pikim ap sam pipol wetem posibol lukluk se bai oli ko long kwarentin.

VBTC Nius bae hemi kontaktem helt blong kivim apdeit long wanem oli stap mekem naoia.