Sunday, April 14, 2024
24.8 C
Port-Vila
Sunday, April 14, 2024
More

    Malaria kes hemi hae long Not blong kaontri

    Sanma mo Torba provins i kat hae namba blong sik malaria naoia long kaontri.

    Long last yia, Ministri blong Health hemi anaonsem wan outbrek long sik malaria long kaontri.

    Mo long last yia igat wan total namba blong ova 1,142 kes blong sik malaria raon long Vanuatu.

    Long Tokbak show program blong VBTC, National Maneja blong malaria program, Wesly Donald, hemi tokabaot level we sik ia istap long hem long kauntri.

    “Situation ripot weh umi kat naoia long kaontri long januari kasem long Jun, Torba alone hemi rekodem 206 cases. hemi includem Vanualava wetem Gaua,” hemi talem.

    “And then ikam long Sanma ikat araon 415 case we yumi capjarem long system, long Penama hemi araon 19 kes and then long Malampa around 16 cases, mo Shefa hemi araon 39 cases, mo Tafea hemi stil mentenem that siro kes.”

    Mr Donald i talem se ikat hae namba blong ol kes from fulap risen be ol main wan hemi weta kondition (jenj blong weta tru long climate jenj), delai blong karem stik blong malaria mo no drink gud meresin blong malaria, usage blong mosquito net, mo muvmen blong ol man long wan eria iko long nara eria.

    Hemi explenem tu, olsem wanem malaria hemi pas long wan man iko long nara man.

    “Fesli, wanem weh hemi hapen bae man imas kat pepet ya insaed long bodi blong hem,” Mr Donald talem.

    “Bae yumi statem long bodi blong man, so pepet I mas stap long bodi blong man, and then taem weh hemi stap long bodi blong man, hemi stap long liva mo hemi stap develop and fiu leta bae hemi stap kam majua afta oli rilis iko long blood.

    “Taem oli rilis iko long blood then oli afectem ol cells long blood or ol red blood cells, and then long taem ia nao ol man oli kam blong gat feva, taem hemi feva oli testem man ia usum Rapid Diagnostic Test blong testem taem pasient hemi positive o no.

    “So hao weh sik hemi pas long wan man iko long nara man, hemi tru long wan bait blong mosquito.”

    Hemi infomem pablik tu long hao nao one hemi saveh filim seh hemi kasem sik blong malaria.

    “Ol saens mo symptoms blong malaria hemi feva, so sapos pasient hemi filim se hed or bodi hemi sore, hemi fil seh hemi taet hemi wantem vomit, ol joint blong bodi hemi soa, hemia hemi saen blong malaria.”

    Long national malaria strategic plan hemi talem seh long yia ya kasem long yia 2026, team hemi stap wok blong aotem aot sik malaria long vanuatu.

    Hemia hemi stat finis taem tim hemi wok long tanna long 2017, wetem help blong komuniti blong aotem aot sik malaria kasem naoia weh ikat siro kes.

    Tim blong malaria oli stap naoia long Shefa mo Penama provins blong mekem ol aweanes akensem sik malaria.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen