Air Vanuatu bae hemi kam wan mein fokas blong politikol grup we i kat majoriti blong fomem kavman.
Ralph Regenvanu, we i lidim grup we i kat konfidens blong fomem next kavman hemi expresen strong tingting se bai oli lukluk serious long isu blong Air Vanuatu.
Hemi talem se bai oli mekem evri posibol wei blong meintainem National Airline.
Mr Regenvanu olsem Lida blong opposition long las kavman i bin raisem plante serious konsen abaot airline mo ol disisen we las kavman hemi bin mekem.
Caretaker Minista blong Finance, Johnny Koanapo, hem tu i talem se isu blong airline hemi mas wan serious samting blong dil wetem taem niu kavman hemi setap.
“Kavman we mifala stap long hem long last two yia, mifala i traem best blong mekem some disisens be mifala no save complitim term blong mifala blong save implemetem wan complete review we yumi bin wantem mo ol shareholda i bin wantem,” Mr Koanapo i talem.
“Me expresem disapointmen blong mi long CEO(Chief Executive Officer) wetem managment wetem wei we oli handelem ol isu blong Airline mo hemi i wan samting we definately niu kavman we bai kam long pawa long 13 legistature hemi mas lukluk long hem. ”
“And CEO hemi mas pruvum se hemi cabable blong stap long posisen we hemi stap long hem naoia.”
Chief Executive Ofisa blong Air Vanuatu Atu Finau hemi bin holem ofis long National Airline long January 2021 hemia afta we kavman long taem ia i apointem niu bod folem isu blong airline we i stap long stage blong Bankruptcy.
Wan long ol mein plan we Mr Finau hemi bin wantem putum in ples hemi restructure blong Nation Airline we oli no rivilim plan blong hem long public kasem tete.
Mr Koanapo hemi talem se Council of Minister hemi mekem ol disisen we airline hemi no bin folem.
“Wan long ol disisen blong kavman hemi blong Ministry blong Finance hemi tekem control long financial mata blong airline blong mifala save kipim mo managem ol isu blong hem i stap long ministry, mbe hemia i no hapen mo CEO hemi no kopereit.”
VBTC Nius long pas manis hemi bin traem blong karem wan toktok folem ol plan ia mbe i no posible.
Ol jalenj blong national airline i kat main wan nao hemi outstanding lease blong ATR plane, Boeing 737 mo Twine otter.
Hemi lusum finism Twine otter AV12 long yia from oustanding lease, taem Twine otter AV11 hemi stap long court folem semak reason mo i stap long risk blong airline i lusum. Reliable infomesem i revealim se Boeing 737 company i kivim kasem en blong yia ia blong pem, mo hop i stap se niu kavman bai i help pem outstanding we i kasem araon VT897 million.
Mr Finau hemi bin statem long wan press release se COVID hemi disturbem bigwan financial status blong National Airline mo oli depend bigwan long gavman blong helpem olgeta.
No mata se oli putum out ova 100 staff blong airline long 2020 from COVID mo Long semtime i kat salary deduction blong 10% kasem 30% sins 2020 airline hemi bin stil fasem jalenj long 2021 kasem tete.
Ol isu we i stap i lukim shortage long pilot, staff mo dilei long ol pat blong plane hemi mekem i kat fulup cancelled flaet mo stranded citizens we oli nid blong travel.
Ol reliable infomesen i talem se some pilot oli resign folem disagreemen long how management i treatim olgeta, mbe Mr Finau hemi promesem blong rikruitum sam moa pilot blong helpem airline.
Naoia we i stap ATR 72 hemi stap tu long repair yet we i lukim se bai i kam back sample long eli o midel blong Novemba.
Weta tu hemi kosem extra jalenj long service blong Airline tete.
Lukluk i stap se no mata se oli yusum seves blong Fiji Airways mo Air Nauru blong help mbe seves hemi stil nogud.
Vanuatu kavman hemi putum VT155 million blong redudancy program long eli yia ia mbe i nogat wan apdeit long hem kasem tete. Las kavman i bin aprovum araon VT300 million blong program ia long Palemen.
Beoing 737 hemi jes kambak nomo long C-Check long Hong Kong.
