Ol authoriti we oli wok wetem ol repatriated travela i talem se ol Recognised Seasonal Employer (RSE) wokman i no mas mekem ol false accusation long social media.
Hem ia i folem ol comen blong ol RSE wokman abaot hao ol authority long eapot i handelem luggage blong olgeta afta we oli repatriatem olgeta i kam bak long New Zealand.
Wan sos long locol authoriti i talem long VBTC se “Vanuatu i stap long wan state blong emergency from COVID-19 pandemic mo ol wokman ia i mas waj aot long ol toktok blong olketa long social media from oli kam long wan kaontri we i kat Coronavirus long hem.”
Sos ia we i dil plante wetem ol repatriation flaet i kam long Vanuatu, i talem se “Hem i impoten blong olgeta i no mas kat kontak wetem olketa repatriated wokman ia.
Hem i talem se “Polis i save mekem ares eni taem sapos National Disasta Managemen Ofis i odarem ol ares from ol false accusation long social media.”
“Mi wantem mekem i clia se eni goods o item we i kam insaed, hemi wok blong Customs blong jekem mo holem taet,” Sos ia i talem.
“So ol basket blong ol wokman ia i mas pas tru long wan scana mo masin ia nao i ditektem eni samting we i stap insaed long basket.
“Mi wantem assurem ol man tu se ol polis ofisa i stap long everi jek we i stap tekem ples long airpot.”
Sos ia i kontinu blong talem se ol seasonal wokman we oli kam long New Zealand i mas save se oli kam long wan army flaet mo i no wan commercial flaet.
Hemi talem se “I kat difrens long tufala flaet ia, long wan army flaet oli sakem ol basket nomo mo samtaem basket i save brok.
Sam seasonal wokman long kwarentin i talem se oli no kasem ol basket blong olketa yet.
Sos long Locol Authority ia i respon mo talem se bae ol wokman ia i save tekem bak ol belonging blong olketa afta long 14 dei kwarentin mo afta we oli pem takis.
“Mo olketa we oli no kasem yet ol basket blong olketa bae ol authority oli jes dropem off long ol ples we oli stap hem” hemi talem.
COVID-19 Advisory tim i talem se i kat bigfala toktok wetem eapot security blong impruvum surveilens long eria blong olketa.
Spokepersen blong Advisory Tim, Len Tarivonda, i talem se wetem wan bigfala namba blong ol pasenja blong oli wok wetem, hemi putum plante presa long ol helt staf we oli stap long airpot mo samtaem oli mekem sam mistek taem oli handelem ol luggage.
