Ol broadcasting kampani oli mas kat laesens blong broadcastem live ol matches blong FIFA World Cup long Qatar, Middle East.
Telecommunications Radiocommunications and Broadcasting Regulator, Brian Winji, hemi talemaot.
Mr Winji i talem se folem loa eniwan we hemi nogat raet blong broadcast bai hemi save faen long VT15 Million anda long loa blong Vanuatu Intellectual Property Ofis.
Hemi talem se hemia i stap long loa blong Copyright and Related Rights Act Namba 42 blong 2000.
Mr Winji i talem se i kat tu faen long Telecommunications Radiocommunications and Broadcasting Regulator tu anda long seksen 46, sabseksen 3 act we wan man i save faen up to VT2 million o wan kampani up to VT20 million sapos hemi ribrodcastem wan kotent we hemi nogat raet long hem.
Hemi talem se oli bin sendem wan notis i ko aot blong ol broadcasting kampani oli mas soem pruf blong laesens blong olgeta.
Hemi talem se oli karem laesens blong Vanuatu Broadcasting mo Television Corporation(VBTC), Digicel mo Canal Plus we oli kasem raet blong broadcastem FIFA World Cup long Qatar.
Mr Winji hemi talem se Telsat hemi no provaedem eni pruf blong laesens ia kasem tete.
