Supreme court blong Vanuatu bae hemi sitdaon long Tuesday namba 4 March 2025 blong harem election petition blong Vanessa Molisa, runner up candidate blong last Snap General Election long Maewo Constituency.

Long Notice of first hearing weh i go long long ol party long case, Chief Registrar blong Supreme Court hemi listim Eelection Petition Case 25/248 blong Supreme Court hemi harem case ya long half past two long afternoon long wan conference long Dumbea 1.

First Respondent long case ya hemi Principal Electral Officer wetem Eelctoral Service Commission mo secind respondent log case hemi Member blong Parliament blong Maewo, Minister blong Agriculture, Livestock, Forestry mo Biosecurity, Ian Toakalana Wilson.

Vanessa Molisa hemi confirmem wetem VBTC News se petition weh hemi putum long court hemi folem ol alegation se i gat bribery mo fasin blong usum blue card blong Vote long time blong election.

I gat 5 case everyone blong election petition weh ol runner up blong ol winning candidates oli filem long court we i gat long constituency blong Malo/Aore, Maewo, Pentecost, Efate mo Tanna.